سحـــر مصـــــــر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


•·.·°¯`·.·•(شبكه ومنتدياااااات سحـــر مصـــــــر) •·.·°·¯`·.•
 
الرئيسيةالتسجيلدخول
  ::: شـبكـــــة ومنتديــــات سـحـــر مـصـــر ترحـــب بكــل الزائـــرين وتتمنى لكــم قـضـــاء أجمـــل الأوقــــــات معنــا فى المنتـدى :::   قال رسول الله – صلى الله عليه وسلم -: {من صام رمضان ثم أتبعه ستاً من شوال كان كصيام الدهر} [رواه مسلم وغيره].    اللهم إنا نسألك الهدى والتقى والعفاف والغنى  اللهم إنك عفو تحب العفو فاعف عنا   ربنا آتنا فى الدنيا حسنة وفى الآخرة حسنة وقنا عذاب النار ...... اللهم إنا نسألك رضاك والجنة ونعوذ بك من سخطك والنار ....... اللهم اجعلنا من عبادك المقبولين تحية خاصة لجميع أعضـــاء المنتـدى .... تشير إحصائيات المنتدى إلـى أن أكـثــر البلدان تسجيلا فى المنتدى بالترتيب أم الدنـيــــا مـصـــر  الجـزائـر  السعــوديـة  المغـرب  العــراق  ســوريـا  فلسطـيـن اليـمـن تـونـس  ليبيـا  الإمـــارات المـانيـا   فرنسا  الكويت   عمان   الأردن   السـودان ..... ونسـب أخـرى متفـرقــة مـن دول العـالـم   مطــــلوب مشـــــرفين علـــــى جمــــيع أقســـــــام المنتـــدى رشـــــح نفســـــك للإشـــــراف على القســــم اللى ينــاســـــبك ثـــم مـــــراســــلتـــى MR.EgyMagic@Yahoo.Com   ::: منتديــــــات سـحـــــر مـــصـــــر ::: ::: المشــوار دايمــاً يبتــدى بخـطــوة :::

 

 نصائح لو ربنا فك عقدتك واتخطبتى

اذهب الى الأسفل 
كاتب الموضوعرسالة
shady
::: الإدارة العـامــــــة :::
::: الإدارة العـامــــــة :::
shady

ذكر
عدد الرسائل : 86
تاريخ التسجيل : 16/12/2008

نصائح لو ربنا فك عقدتك واتخطبتى Empty
مُساهمةموضوع: نصائح لو ربنا فك عقدتك واتخطبتى   نصائح لو ربنا فك عقدتك واتخطبتى Emptyالجمعة مايو 29, 2009 5:48 am


 

 



 

 



آنستي العزيزة.. لو ربنا فك عقدتك.. واتخطبتي.. فإليكِ نصائحي

حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس قصدي قفص الزوجية السعيد ..


أجمل ما في الخطوبة العزومات الرومانسية.. على أحلى محلات

أكل في البلد.. واللي عمرك مانتي شايفاها بعد الجواز.. المهم

نصائحي لك عند أي عزومة مع خطيبك..


1 - الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا


2 - العيش أوعي تفضحينا وتقطعيه بسنانك.. ولا الرغيف نصين بإيدك

وكل نص لقمة وتحشري.. أوعي.. العيش بيتقطع بالسكينة في

الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي

اطفحي زي ماانتِ عايزة


3 - الشوووربة.. أبوس اييييدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. الطاسةاللي بتحطيها في بقك في البيت


بالمعلقة وبدون صوت.. سخنة, ولعة , برضه بدون صوت

وتسيبي تلت الطبق ع الأقل.. مش تميليه.. عشان تلهفيها لآخر نقطة


4 - الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه



5 - المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات.. مش

تشفطي المكرونة عود عود



6 - السمك.. مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فضااايح

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك




7 - الجمبري.. -إذا كنتي عارفاه-.. أول ماطبق الجمبري ينزل.. بصي للجمبري

بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟

وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي



8 - البطاطس سواء مسلوقة أو محمرة.. أوعي تهرسيها وتدبيها على

الرز وتدّي ...لا..لآ...لآ...بالشوكة حتة حتة وإنت زي ما تكوني

هاتعيطي من كتر ما البطاطس صعبانة عليكي



9 - الفاكهة.. لو الفاكهة فيها بذر.. طلعيه من بؤك بالراحة وحطيه في

إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبذر.. إنسي


10 - ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه لإصلاح ماكياجك.. تدخلي التواليت

وتطلعي من شنطة إيديك.. لفة الفول والطعمية اللي جايباها

معاكي.. وبالهنا والشفااااااااااااا
الرجوع الى أعلى الصفحة اذهب الى الأسفل
 
نصائح لو ربنا فك عقدتك واتخطبتى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سحـــر مصـــــــر :: مصطبة الأسرة :: منتدى ادم وحواء-
انتقل الى: